كاشير بدون نت: النت يقطع، والبيع مكمّل

أوردرن لايت: أوفلاين بالكامل على الجهاز

لايت مش محتاج نت أصلاً عشان يشتغل. البيع والطباعة والشِفتات والمخزون والتقارير كلها على الجهاز نفسه، وقاعدة البيانات متشفّرة عليه. النت بيُستخدم في حاجتين بس: تفعيل الرخصة أونلاين (أو فريقنا يفعّلهالك من غير نت)، والتحديثات طول ما الدعم شغّال. يعني لو الخط فصل أسبوع، الكاشير ولا هيحس. الحد الوحيد إنه جهاز واحد لكل رخصة، والتقارير على الجهاز ده، مفيش لوحة تفتحها من موبايلك وإنت برّه المحل.

• وضع الكافيه: طاولات وحسابات مفتوحة، إضافات زي الحجم واللبن والسكر، وتذاكر بار بتتطبع على طابعة تانية من غير أسعار.
• وضع الماركت: بيع بالباركود، باركود الميزان، ووحدات بسعر قطاعي وسعر جملة (سعر الجملة في رخصة برو).
• تقفيل شِفت بجرد الدرج من غير ما الكاشير يشوف المتوقع، والإلغاءات والخصومات متسجّلة باسم كل كاشير.
• نسخة احتياطية متشفّرة في ملف، وكود استرجاع بيفضل معاك لو الجهاز باظ.
• بيشتغل على كمبيوتر ويندوز (أندرويد وآيباد: كلّمنا الأول)، وعربي وإنجليزي.

تختار أنهي؟

القاعدة بسيطة: محل واحد وكاشير واحد ومش عايز اشتراك شهري؟ أوردرن لايت. أكتر من جهاز، شاشات مطبخ، دليفري بطيارين، أو أكتر من فرع؟ أوردرن كلاود. ولو مطعمك قايم على الطاولات والحسابات المفتوحة في مكان واحد، لايت فيه طاولات، وكلاود لسه مافيهوش خريطة طاولات.

تبدأ إزاي

التسجيل بياخد دقايق.

• لايت: اعمل حسابك، نزّل البرنامج من البورتال ومفتاح التجربة هناك، اختار وضع الكافيه أو الماركت، وابدأ بيع. ومن ساعتها مش محتاج نت.
• كلاود: سجّل، جهّز المنيو والفروع من لوحة الإدارة أو استورد المنيو من إكسيل، وفريقنا بيفعّل وضع الأوفلاين على أجهزتك.